Эрдэнэ Ресурс нь үйл ажиллагаа явуулахын өмнө болзошгүй эрсдэлийг тодорхойлж, холбогдох арга хэмжээ авах замаар байгаль орчинд үзүүлэх сөрөг нөлөөллийг бууруулахад идэвхи чармайлт гарган ажилладаг. Эдгээр арга хэмжээг тогтмол хянаж, тухайн ашигт малтмалын төслийн хэрэгжилтийн хугацаанд шинэчлэн ажилладаг.
Эрдэнэ Ресурс нь дараах чиглэлээр байгаль орчны болзошгүй сөрөг нөлөөллийг хянан шинжилдэг. Үүнд:
2024 онд хэрэгжүүлэх байгаль орчны менежментийн төлөвлөгөөтэй (Баянхонгор аймгийн Шинэжинст сумын нутагт байрлах Баянхөндий алтны үндсэн ордыг ашиглах төсөл) энд дарж танилцана уу.
Үйлчлэх хууль тогтоомж, дүрэм журмын хүрээнд байгаль орчныг хамгаалахад чармайлт гарган ажиллахаас гадна Эрдэнэ Ресурс нь:
Kомпани ашигт малтмалын төслийн талбайд хуримтлагдсан ахуйн болон бусад хог хаягдлыг багасгаж, холбогдох хууль тогтоомж, дүрэм журмын дагуу ангилан ялгаж, устгадаг.
Эрдэнэ Ресурс нь 2022 онд уул уурхайн ашиглалт болон барилга байгууламжтай холбоотой их хэмжээний хог хаягдал болон байгаль орчинд хор хөнөөлтэй материал ашиглаагүй ба устгал хийгээгүй болно.
Эрдэнэ Ресурс нь үндсэн үйл ажиллагааны хүрээнд зарим тохиолдолд суваг малталт болон өрөмдлөгийн талбай засах зэрэг ажлуудыг хийх шаардлагатай болдог ба энэ нь орон нутгийн малчид, байгаль орчин, амьтанд сөргөөр нөлөөлөх магадлалтай байдаг. Аливаа сѳрѳг нѳлѳѳллѳѳс сэргийлэхийн тулд Эрдэнэ Ресурс болон гүйцэтгэгч байгууллагууд нь тухайн талбайд нѳлѳѳллийг тодорхойлон, судалгаа хийдэг. Ийм зайлшгүй тохиолдолд Эрдэнэ Ресурс тухайн талбайд нөхөн сэргээх арга хэмжээ авч, газрын эвдрэлийг хамгийн бага хэмжээнд байлгахыг эрмэлздэг.
Эрдэнэ Ресурс өөрийн төслийн талбайн ойр орчинд амьдарч буй айл өрхүүдийн амьжиргааны үндсэн хэрэгцээ болсон байгалийн нөөцийн хүртээмж, ялангуяа усны дэд бүтцийг сайжруулахад тусламж, дэмжлэг үзүүлэх зэргээр хамтарч ажилладаг. Манай компани усны хагалбарыг хамгаалах, экосистемийг сайжруулах зорилгоор Орон нутгийн Байгаль орчны газартай хамтран ажилладаг.
Эрдэнэ Ресурс нь үндэсний болон олон улсын уур амьсгалын өөрчлөлт, байгалийн гамшиг, нүүрстөрөгчийн хийн татвар гэх мэт уур амьсгалтай холбоотой болзошгүй эрсдэлүүдээс шалтгаалан Компанийн эрчим хүч, газар ашиглалт, тээвэрлэлтийн үйл ажиллагаанаас үүдэн бий болж болзошгүй нөлөөллийг судлан ажилладаг.
